ខេត្តកោះកុង ៖ ព្រឹកថ្ងៃទី១១ ខែកក្កដា ឆ្នាំ២០២៤ មន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តកោះកុង បានសហការជាមួយ សមាគមអតីតយុទ្ធជនកម្ពុជាខេត្តកោះកុង រៀបចំពិធីអបអរសាទរខួប លើកទី១៧ ទិវាអតីតយុទ្ធជនកម្ពុជា ២១ មិថុនា ឆ្នាំ២០២៤ នៅសាលមហោស្រពខេត្ត ក្រោមអធិបតីភាពដ៏ខ្ពង់ខ្ពស់ លោក សុខ សុធី អភិបាលស្តីទី នៃគណៈអភិបាលខេត្ត និងមានការអញ្ជើញចូលរួម លោកឧត្តមសេនីយ៍ វរសេនីយ៍មេបញ្ជាការកងកម្លាំងប្រដាប់អាវុធទាំង៣ប្រភេទ អភិបាល នៃគណៈអភិបាលក្រុង ស្រុក ប្រធាន អនុប្រធានមន្ទីរអង្គភាពជុំវិញខេត្ត ប្រធាន អនុប្រធានសមាគមអតីតយុទ្ធជន ក្រុង ស្រុក លោកមេឃុំ ចៅសង្កាត់ មន្ត្រីរាជការមន្ទីរសង្គមកិច្ច សរុបប្រមាណ ២៣៥នាក់ បានអញ្ជើញចូលរួម ក្នុងពិធីនោះផងដែរ លោក អភិបាលស្តីទី នៃគណ:អភិបាលខេត្ត បានផ្តល់វត្ថុអនុស្សាវរីយ៍ ជូនអតីតយុទ្ធជនដែលបានចូលរួមចំនួន១៥០នាក់ ក្នុងម្នាក់ៗទទួលបានអង្ករ ២៥គីឡូក្រាម មីចំនួន ១កេស ត្រីខ ១យួរ ទឹកស៊ីអ៊ីវ ១យួរ ថវិកា៥០.០០០រៀល ។
