កំពង់ឆ្នាំង៖ នាព្រឹកថ្ងៃអង្គារ ៣រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៣ ខែកក្កដា ឆ្នាំ ២០២៤ លោក ឈាង ចន្ធី ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា និងជាអនុប្រធានក្រុមការងារ តំណាងឯកឧត្ដម នៃ ចារី អភិបាលរងខេត្ត និងជាប្រធានក្រុមចុះមូលដ្ឋានឃុំកំពង់អុស ស្រុកជលគិរី មានការអញ្ជើញចូលរួមពីលោក ដូវ គឹមស៊ីន អភិបាលស្រុកជលគិរី និងសហការី អាជ្ញាធរឃុំ លោកមេភូមិទាំង ៤ លោកមេប៉ុស្តិ៍ បាននាំយកសម្ភារៈ និងថវិកា
- ប្រគេនព្រះសង្ឃគង់ចាំព្រះវស្សា ចំនួន២វត្ត វត្តសត្ថារាម និងវត្តមង្គលរតនារាម (វត្តកំពង់អុស និងវត្តកៀនតាម៉ា) ក្នុងនោះរួមមាន
-ថវិកាសម្រាប់កសាង សរុប ១,៥០០,០០០រៀល
-បច្ច័យប្រគេនព្រះសង្ឃ ចំនួន ៥៨០.០០០រៀល និងគ្រឿងឧបភោគបរិភោគ អង្ករចំនួន ១០០គីឡូក្រាម មីចំនួន ៤កេស ទឹកសុទ្ធចំនួន ១៤កេស និងទៀនព្រះវស្សាចំនួន ២គូរ។
លោកប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា និងលោកអភិបាលស្រុក បាននាំយកអំណោយរបស់ក្រសួងសង្គមកិច្ច អតីតយុទ្ធជន និងយុវនីតិសម្បទា ចុះសួរសុខទុក្ខប្រជាពលរដ្ឋដែលមានជីវភាពខ្វះខាត ចាស់ជរា ចំនួន ២០គ្រួសារ នៅឃុំកំពង់អុស សរុប រួមមាន អង្ករចំនួន ៥០០គីឡូក្រាម មីចំនួន ២០កេស ទឹកត្រីចំនួន ២០យួរ ត្រីខចំនួន ២០យួរ សារ៉ុងចំនួន ១៤(នៅភូមិកំពង់អុស) និងឧបត្ថម្ភថវិកាចំនួន ២៧០.០០០រៀល សាំងចំនួន ២០លីត្រ ដល់ក្រុមការងារឃុំ និងមុងចំនួន ២ កន្ទេលចំនួន ២ ដល់ប្រជាការពារនេសាទ នៅភូមិកំពង់អុសផងដែរ។
