ទីស្តីការក្រសួង ស.អ.យ.៖ ព្រឹកថ្ងៃចន្ទ ៩ រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៩ ខែកក្កដា ឆ្នាំ២០២៤ នៅទីស្តីការក្រសួង បានរៀបចំពិធីផ្សព្វផ្សាយគោលនយោបាយស្តីពីការថែទាំជំនួសចំពោះកុមារ ដើម្បីផ្តល់អាទិភាពដល់ការថែទាំតាមគ្រួសារសម្រាប់កុមារគ្រប់រូបនៅកម្ពុជា ក្រោមអធិបតីភាពដ៏ខ្ពង់ខ្ពស់ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា។

នាឱកាសនោះ ក៏មានវត្តមានចូលរួមពីលោកបណ្ឌិត Will Parks តំណាងយូនីសេហ្វប្រចាំប្រទេសកម្ពុជា ព្រមទាំងឯកឧត្តម លោកជំទាវរដ្ឋលេខាធិការ អនុរដ្ឋលេខាធិការ ថ្នាក់ដឹកនាំក្រសួង និងតំណាងអង្គការជាតិ អង្គការអន្តរជាតិ សរុបប្រមាណ២៥០នាក់។