ខេត្តព្រៃវែង៖ រសៀលថ្ងៃអង្គារ ១០ រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣០ ខែកក្កដា ឆ្នាំ២០២៤
ឯកឧត្តម អេង ចំរើន រដ្ឋលេខាធិការ បានដឹកនាំកិច្ចប្រជុំស្ដីពី ការជំរុញ និងពង្រឹងសមាគមមនុស្សចាស់ឃុំ នៅក្នុងស្រុកកំពង់ត្របែក និងស្រុកព្រះស្ដេច ខេត្តព្រៃវែង នៅសាលាស្រុកកំពង់ត្របែក ដោយមានការចូលរួមពី ឯកឧត្តម វ៉េង រិទ្ធិស័ក្ត អនុរដ្ឋលេខាធិការ និងឯកឧត្តម ឌីន បូរី អគ្គនាយកនៃអគ្គនាយកដ្ឋានសេវាសង្គមកិច្ច រួមជាមួយ លោក ហ៊ុន ណេត ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា លោកអភិបាលរងស្រុក លោក-លោកស្រីតំណាងឃុំ មេឃុំ នៃស្រុកទាំង២ និងក្រុមការងារនៃនាយកដ្ឋានមនុស្សចាស់ សរុបចំនួន ៤៤នាក់។
ជាលទ្ធផលសម្រេចបាន៖
- តាមបណ្ដាឃុំនៅមិនទាន់បានជ្រួតជ្រាបពីនីតិវិធីក្នុងការរៀបចំរចនាសម័្ពន្ធសមាគមមនុស្សចាស់បានច្បាស់នៅឡើយ មូលហេតុដោយសារការផ្លាស់ប្ដូរតួនាទី ឬទទួលតំណែងថ្មីដោយពុំបានដឹង ឬទទួលការណែនាំក្នុងការអនុវត្តបន្តដល់អ្នកមកទទួលតំណែងបន្ត
- លោកប្រធានមន្ទីរសង្គមកិច្ចខេត្ត បានលើករៀបរាប់អំពីការរៀបចំរចនាសម័្ពន្ធគណៈកម្មាធិការសមាគមដល់អង្គពិធីបានជ្រួតជ្រាបបន្ថែមឱ្យកាន់តែច្បាស់ដល់តំណាងឃុំ និងមេឃុំដែលបានចូលរួម និងបន្តរៀបចំការបណ្ដុះបណ្ដាលបច្ចេកទេសក្នុងការរៀបចំរចនាសម័្ពន្ធសមាគមមនុស្សចាស់
-លើកមតិយោបល់យុទ្ធសាស្រ្តនិងជំរុញឱ្យមានការសហការជាមួយមន្រ្តីជំនាញនៃមន្ទីរសង្គមកិច្ចដើម្បីពន្លឿនការរៀបចំអនុវត្តន៍កិច្ចដំណើរការសមាគមមនុស្សចាស់តាមបណ្ដាឃុំក្នុងមូលដ្ឋានខេត្តព្រៃវែង - ព្រមទាំងបានពាំនាំការសួរសុខទុក្ខរបស់ឯកឧត្តមរដ្ឋមន្រ្តីជូនដល់មន្រ្តីមូលដ្ឋានទាំងអស់គ្នាផងដែរ។
