ខេត្តក្រចេះ៖ ព្រឹកថ្ងៃ ពុធ ១១ រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣១ ខែកក្កដា ឆ្នាំ២០២៤ លោកប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តក្រចេះ អាជ្ញាធរមូលដ្ឋាន រួមជាមួយលោកប្រធានសាខាមូលនិធិជនពិការខេត្ត និងលោកប្រធានមជ្ឈមណ្ឌលស្តារ បានចុះសួរសុខទុក្ខដល់កុមារដែលមានពិការចលករខួរក្បាល បណ្តាលឱ្យមិនអាចដើរបាន មានអាយុ ១១ឆ្នាំ រស់នៅភូមិរកា៣ ឃុំត្រញូងសែនជ័យ ស្រុកស្នួល ខេត្តក្រចេះ។
ទន្ទឹមនឹងនេះ ក្រុមការងារបានផ្តាំផ្ញើសួរសុខទុក្ខពីសំណាក់ឯកឧត្តមរដ្ឋមន្រ្តី បានពាំនាំយកអំណោយ ថវិកា និងប្រឹក្សាយោបល់អំពីការផ្តល់សេវាស្តារលទ្ធភាពពលកម្មកាយសម្បទាជូនដល់កុមារពិការ ជាលទ្ធផលបឋមក្រុមការងារនឹងដោះស្រាយផ្តល់រទេះរុញពិសេសសម្រាប់ពិការភាពដោយចលករខួរក្បាល និងធ្វើការព្យាបាលដោយចលនាពីចម្ងាយ ( Tele-Rehab )៕