បាត់ដំបង៖ នៅថ្ងៃទី១២ ខែកញ្ញា ឆ្នាំ២០២៤ ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម ជា ចំណាន រដ្ឋលេខាធិការ បានដឹកនាំប្រតិភូក្រសួងជួបពិភាក្សាការងារជាមួយរដ្ឋបាលខេត្តបាត់ដំបង ស្ដីពីការពង្រឹងការងារគ្រប់គ្រង ព្យាបាល និងស្ដារនីតិសម្បទាដល់មជ្ឈមណ្ឌលព្យាបាល និងស្ដារនីតិសម្បទាអ្នកញៀនគ្រឿងញៀន ដេីម្បីពិនិត្យលេីវឌ្ឍនភាពការងារ កំណត់បញ្ហាប្រឈម ស្វែងរកដំណោះស្រាយ រៀបចំផែនការយុទ្ធសាស្ត្រ និងធានាដល់ការផ្ដល់សេវាព្យាបាល និងស្ដារនីតិសម្បទារបស់មជ្ឈមណ្ឌលដល់ជនរងគ្រោះប្រកបដោយប្រសិទ្ធិភាពខ្ពស់។
កម្មវិធីនេះមានការចូលរួមពីប្រតិភូក្រសួង និងរដ្ឋបាលខេត្ត រួមមាន៖ ឯកឧត្តម ជា ចំណាន រដ្ឋលេខាធិការ ឯកឧត្តម ប្លុង ណាល់ អនុរដ្ឋលេខាធិការ ឯកឧត្តម ជា ហុងណា អនុរដ្ឋលេខាធិការ ឯកឧត្តម សន សុផល អគ្គនាយកដ្ឋាន នៃអគ្កនាយកដ្ឋានស្តារសម្បទា ឯកឧត្តម ធូ ភា អភិបាលរង នៃគណៈអភិបាលខេត្តបាត់ដំបង លោក កាន ផល្លា មេបញ្ជាការរង នៃបញ្ជាការដ្ឋានកងរាជអាវុធហត្ថខេត្ត លោក ឧត្តមសេនីយ៍ទោស្នងការ នៃស្នងការដ្ឋាននគរបាលខេត្ត លោក ភូង សិទ្ធិ ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តបាត់ដំបង លោក រឿន រិទ្ធីដែត ប្រធានមជ្ឈមណ្ឌលជាតិព្យាបាល និងស្តារនីតិសម្បទាអ្នកញៀនគ្រឿងញៀន ឯកឧត្តម កែ ស៊ីនួន ប្រធានមជ្ឈមណ្ឌលព្យាបាល និងស្តារនីតិសម្បទាអ្នកញៀនគ្រឿងញៀន កែ ស៊ីនួន លោកអនុប្រធានមណ្ឌលព្យាបាល និងស្តារនីតិសម្បទាអ្នកញៀនគ្រឿងញៀនពិភពនៃក្តីសង្ឃឹម និងមន្រ្តីជំនាញពាក់ព័ន្ធ។
កិច្ចប្រជុំពិភាក្សា ផ្តោតសំខាន់ទៅលើការពង្រឹងការងារគ្រប់គ្រង ព្យាបាល និងស្តារនីតិសម្បទាដល់មជ្ឈមណ្ឌលព្យាបាល និងស្តារនីតិសម្បទាអ្នកញៀនគ្រឿងញៀនដែលស្ដិតក្រោមរដ្ឋបាលខេត្តបាត់ដំបង៕
