សៀមរាប៖ ថ្ងៃពុធ ៨កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១១ ខែកញ្ញា ឆ្នាំ២០២៤ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្ដម ជា សុមេធី រដ្ឋមន្ត្រី ក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម ធូ ស៊ុន រដ្ឋលេខាធិការ បាន អញ្ជើញបើកវគ្គបណ្ដុះបណ្ដាលពង្រឹងសមត្ថភាពការងារយុត្តិធម៌អនីតិជនដល់ភ្នាក់ងារសង្គមកិច្ច ខេត្តសៀមរាប ដោយមានការអញ្ជើញចូលរួមពីឯកឧត្តម តាំ សារឿន អនុរដ្ឋលេខាធិការ ឯកឧត្តម សន សុផល អគ្គនាយក នៃអគ្គនាយកដ្ឋានស្ដារសម្បទា និងមន្ត្រីពាក់ព័ន្ធជាច្រើនរូបទៀត ដោយ វគ្គបណ្ដុះបណ្ដាលនេះធ្វើឡើងក្នុងគោលបំណង ដើម្បីពង្រឹងសមត្ថភាពការងារយុត្តិធម៌អនីតិជន បន្ថែមដល់ភ្នាក់ងារសង្គមកិច្ច បង្កើនចំណេះដឹង បទពិសោធន៍ការងារ និងបំពេញចំណុចខ្វះខាតដល់ភ្នាក់ងារសង្គមកិច្ចក្នុងការអនុវត្តច្បាប់ស្ដីពីយុត្តិធម៌អនីតិជន៕
សម្រួលខ្លឹមសារដោយ៖ ចាន់ សុភឿន
