ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ព្រឹកថ្ងៃទី២៧ ខែតុលា ឆ្នាំ២០២៤នេះ បានដឹកនាំប្រតិភូក្រសួងចូលរួមពិធីគោរពវិញ្ញាណក្ខន្ធសព ឯកឧត្តម ជា ចាន់តូ តំណាងរាស្រ្តមណ្ឌលខេត្តកំពង់ធំ និងជាអគ្គទេសាភិបាលកិត្តិយសធនាគារជាតិនៃកម្ពុជា ដែលបានទទួលមរណភាពកាលពីថ្ងៃទី២៥ ខែតុលា ឆ្នាំ២០២៤ ក្នុងជន្មាយុ ៧៣ឆ្នាំ ដោយរោគា ពាធ ដែលពិធីនេះបានប្រារព្ធធ្វើឡើងនៅគេហដ្ឋាននៃគ្រួសារសព។
ក្នុងឱកាសនេះ ឯកឧត្តមរដ្ឋមន្ត្រី ជា សុមេធី និងប្រតិភូក្រសួងសង្គមកិច្ច អតីតយុទ្ធជន និង យុវនីតិសម្បទា បានធ្វើគារវកិច្ចដោយក្តីក្រៀមក្រំ អាឡោះអាល័យជាទីបំផុត និងសូមឧទ្ទិស កុសលដល់ដួងវិញ្ញាណក្ខន្ធសព ឯកឧត្តម ជា ចាន់តូ បានទៅសោយសុខក្នុងសុគតិភពកុំបីឃ្លៀង ឃ្លាតឡើយ៕
