វគ្គបណ្តុះបណ្តាលស្តីពីបច្ចេកទេសថែទាំកុមារ និងជនមានពិការភាព នៅតាមសហគមន៍ដល់គ្រូបង្គោលថ្នាក់ជាតិ និងរាជធានីខេត្ត ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ព្រឹកថៃ្ងព្រហស្បតិ៍ ១០កើត ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១២ ខែកញ្ញា ឆ្នាំ២០២៤ ឯកឧត្តម សែម សុខា រដ្ឋលេខាធិការ អញ្ជើញជាអធិបតីក្នុងពិធិបើកវគ្គបណ្តុះបណ្តាលស្តីពីបច្ចេកទេសថែទាំកុមារ និងជនមានពិការភានៅតាមសហគមន៍ដល់គ្រូបង្គោលថ្នាក់ជាតិ និងរាជធានីខេត្ត។ ក្នុងឱកាសនេះ ឯកឧត្តម រដ្ឋលេខាធិការបានចាត់ទុកវគ្គបណ្តុះបណ្តាលនេះថា ជាឱកាសដ៏ល្អមួយក្នុងការជួបជុំគ្នាដើម្បី រៀនសូត្រ ពង្រីកចំណេះដឹង ពង្រឹងសមត្ថភាព ចែករំលែកនូវបទពិសោធន៍ល្អៗបន្ថែមឱ្យមាន ភាពប្រសើរឡើងក្នុងការមើលថែ និងព្យាបាលកុមារពិការ និងជនមានពិការភាពពីដំណាក់ កាលមួយទៅដំណាក់កាលមួយ ការកសាងសមត្ថភាពគ្រូបង្គោលថ្នាក់ជាតិ ដើម្បីឱ្យការអនុវត្ត ការងារទទួលបានប្រសិទ្ធភាពខ្ពស់៕
