ទីស្តីការក្រសួងស.អ.យ.៖ រសៀលថ្ងៃអង្គារ ១៥កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៧ ខែកញ្ញា ឆ្នាំ២០២៤ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្ដម ជា សុមេធី រដ្ឋមន្ដ្រីក្រសួងសង្គមកិច្ច អតីតយុទ្ធជន និងយុវនីតិសម្បទា លោកជំទាវ ប្រុក ម៉ៃកន្និដ្ឋា រដ្ឋលេខាធិការ និងជាប្រធានក្រុមការងារយេនឌ័រក្រសួង បានដឹកនាំកិច្ចប្រជុំក្រុមការងារបច្ចេកទេសយេនឌ័រក្រសួងស.អ.យ. ដោយមានការអញ្ជើញចូលរួមពីសំណាក់ ឯកឧត្តម លោកជំទាវ លោកស្រី អនុប្រធាន និងលោកស្រី អ្នកនាង កញ្ញា ជាសមាជិកក្រុមការងារយេនឌ័រ ដែលមានសមាសភាពចូលរួមចំនួន៥០នាក់។
កិច្ចប្រជុំក្រុមការងារបច្ចេកទេសយេនឌ័រក្រសួងស.អ.យ.ផ្តោតលើរបៀបវរៈដូចខាងក្រោម៖
១.ការណែនាំអំពីការប្រើប្រាស់ទម្រង់របាយការណ៍សម្រាប់ក្រុមការងារយេនឌ័រ និងការផ្តល់របាយការណ៍ត្រីមាសឲបានទៀតទាត់ ។
២. កិច្ចពិភាក្សាស្តីពីការរៀបចំផែនការយុទ្ធសាស្ត្របញ្ជ្រាបសមភាពយេនឌ័រក្នុងវិស័យសង្គមកិច្ចឆ្នាំ ២០២៥-២០២៩ ។
