ព្រះវិហារ៖ ថ្ងៃព្រហស្បតិ៍ ២ រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៩ ខែកញ្ញា ឆ្នាំ២០២៤ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម សន សុផល អគ្គនាយក នៃអគ្គនាយដ្ឋានស្តារសម្បទា អញ្ជើញជាគណៈអធិបតីក្នុងពិធីបើក សិក្ខាសាលាថ្នាក់ក្រោមជាតិស្តីពី ការផ្សព្វផ្សាយរបាយការណ៍ទិន្នន័យអត្តសញ្ញាណកម្មពិការភាពតាមគំរូសង្គម និងសិទ្ធិជាមូលដា្ឋន ដែលមានការចូលរួមពីលោកស្រី ប៉ាង រ៉ាវី អភិបាលរង នៃគណៈអភិបាលខេត្តព្រះវិហារ ប្រធាននាយកដ្ឋានសុខុមាលភាពជនពិការ ប្រធានមន្ទីរស.អ.យ. មន្ដ្រីសាខាមូលនិធិជាតិជំនួយសង្គម និងមន្ទីរពាក់ព័ន្ធ ក្រុង ស្រុក ជនបង្គោល ឃុំសង្កាត់ ចំណុះអោយរដ្ឋបាលខេត្តព្រះវិហារ ចំនួនប្រមាណ ១៥២នាក់។
កម្មវិធីនេះរៀបចំឡើងដោយនាយកដ្ឋានសុខុមាលភាពជនពិការ និងគាំទ្រថវិកាដោយកម្មវិធី ACCESS 2 តាមរយៈអង្គការយូនីសេហ្វ (UNICEF) ៕
