![](https://mosvy.gov.kh/wp-content/uploads/2023/10/photo_2023-10-06_10-16-12.jpg)
រាជធានីភ្នំពេញ÷ ថ្ងៃសុក្រ ៧រោច ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៦ ខែតុលា ឆ្នាំ២០២៣ មន្ទីរសង្គមកិច្ច អតីតយុទ្ធជន និងយុវនីតិសម្បទា បានសហការជាមួយរដ្ឋបាលរាជធានីភ្នំពេញ បានរៀបចំវគ្គបណ្តុះបណ្តាលរំលឹកស្តីពីការកំណត់អត្តសញ្ញាណពិការភាពតាមគំរូសង្គម និងសិទ្ធជាមូលដ្ឋាន ដល់ជនបង្គោលក្រុងស្រុក និងឃុំសង្កាត់ ក្នុងរដ្ឋបាលរាជធានី ក្រោមអធិបតីភាព លោកជំទាវ កែវ សុខពិសី អភិបាលរងនៃគណៈអភិបាលរាជធានីភ្នំពេញ និងលោក លោកស្រី តំណាងមន្ទីរផែនការ និងលោក លោកស្រី ជនបង្គោលកម្មវិធីពិការភាពតាមសង្កាត់ទាំង១០៥ ក្នុងរាជធានីភ្នពេញ។
វគ្គបណ្តុះបណ្តាលនេះមានគោលបំណង ពង្រឹងគុណភាពការកំណត់អត្តសញ្ញាណកម្មពិការភាព ដល់ជនមានពិការភាព អំពីកំណែសំណួរថ្មី ក្នុងការកំណត់អត្តសញ្ញាណកម្មពិការភាពតាមគំរូសង្គម និងសិទ្ធិជាមូលដ្ឋាន ដើម្បីរៀបចំយុទ្ធនាការចុះកំណត់អត្តសញ្ញាណកម្មពិការភាព បន្ថែមឱ្យបានគ្រប់ផែនការកំណត់ ចំនួន ១០ម៉ឺននាក់នៅទូទាំងប្រទេស ក្នុងឆ្នាំ២០២៣៕
![](https://mosvy.gov.kh/wp-content/uploads/2023/10/photo_2023-10-06_10-16-43.jpg)
![](https://mosvy.gov.kh/wp-content/uploads/2023/10/photo_2023-10-06_20-54-51.jpg)
![](https://mosvy.gov.kh/wp-content/uploads/2023/10/photo_2023-10-06_10-16-56.jpg)
![](https://mosvy.gov.kh/wp-content/uploads/2023/10/photo_2023-10-06_10-17-04.jpg)
![](https://mosvy.gov.kh/wp-content/uploads/2023/10/photo_2023-10-06_10-17-11.jpg)
![](https://mosvy.gov.kh/wp-content/uploads/2023/10/photo_2023-10-06_20-54-58.jpg)