![](https://mosvy.gov.kh/wp-content/uploads/2023/10/photo_2023-10-04_12-58-12.jpg)
ភ្នំពេញ៖ រដ្ឋលេខាធិការនិងប្រធានក្រុមអ្នកនាំពាក្យរដ្ឋមន្ត្រីក្រសួងក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម ឯម ច័ន្ទមករា បានអញ្ជើញផ្តល់បទសម្ភាសន៍ជាមួយលោក វណ្ណ សុគន្ធា អ្នកសារព័ត៌មានពីអង្គភាពកម្ពុជាថ្មីជុំវិញប្រធានបទគាំពាំសង្គម និងអំពីយុទ្ធសាស្ត្រដោះស្រាយបញ្ហាស្មុគស្មាញរបស់ជនមានពិការភាពច្រៀងតាមផ្លូវ និងជនអនាថាក្នុងរាជធានីភ្នំពេញ នៅទីស្តីការក្រសួង។
“ការដោះស្រាយបញ្ហាខាងលើ គឺមើលមួយភ្លែតដូចជាងងាយស្រួល ប៉ុន្តែបញ្ហានេះគឺមិនមែនងាយស្រួលដោះស្រាយនោះទេ ព្រោះយើងត្រូវគិតទាំងបរិបទនយោបាយនិងសង្គម ព្រមទាំងការរស់នៅរបស់ប្រជាពលរដ្ឋដែលងាយរងគ្រោះជាក់ស្តែង” នេះជាការបញ្ជាក់របស់ ឯកឧត្តម ឯម ច័ន្ទមករា នៅព្រឹកថ្ងៃពុធ ទី៤ ខែតុលា ឆ្នាំ២០២៣នេះ។
ប្រធានក្រុមអ្នកនាំពាក្យរដ្ឋមន្ត្រីក្រសួងសង្គមកិច្ចបានគូរបញ្ជាស់ផងដែលថា រាជរដ្ឋាភិបាលកម្ពុជា ដែលមានក្រសួងសង្គមកិច្ច អតីតយុទ្ធជន និងយុវនីតិសម្បទា និងមូលនិធិជាតិជំនួយសង្គម បានយកចិត្តតុកដាក់បើកផ្តល់ថវិកាឧបត្ថម្ភដល់ស្រ្តីមានផ្ទៃពោះ និងកុមារក្រោមអាយុ២ឆ្នាំ ចាប់តាំងពីថ្ងៃទី១ ខែមិថុនា ឆ្នាំ២០១៩ ដែលរហូតដល់បច្ចុប្បន្ននេះ ត្រឹមថ្ងៃទី៣ ខែតុលា ឆ្នាំ២០២៣ អ្នកទទួលផលជាស្រ្តីមានផ្ទៃពោះ និងកុមារអាយុក្រោម ២ឆ្នាំមានចំនួនសរុប ៣៤០ ៨១៣នាក់ ដែលបានចំណាយទឹកប្រាក់អស់ចំនួន ២៧ ៧៩៨ ៩១០ដុល្លារអាមេរិក។
ព័ត៌មានលម្អិតនៃកិច្ចសម្ភាសន៍នេះត្រូវចាក់ផ្សាយដោយអង្គភាពសារព័ត៌មានកម្ពុជាថ្មីក្នុងពេលឆាប់ៗនេះ៕
![](https://mosvy.gov.kh/wp-content/uploads/2023/10/photo_2023-10-04_12-58-15.jpg)
![](https://mosvy.gov.kh/wp-content/uploads/2023/10/photo_2023-10-04_12-58-13-2.jpg)
![](https://mosvy.gov.kh/wp-content/uploads/2023/10/photo_2023-10-04_12-58-13-3.jpg)
![](https://mosvy.gov.kh/wp-content/uploads/2023/10/photo_2023-10-04_12-58-13-4.jpg)
![](https://mosvy.gov.kh/wp-content/uploads/2023/10/photo_2023-10-04_12-58-13.jpg)
![](https://mosvy.gov.kh/wp-content/uploads/2023/10/photo_2023-10-04_12-58-14-2.jpg)
![](https://mosvy.gov.kh/wp-content/uploads/2023/10/photo_2023-10-04_12-58-14.jpg)
![](https://mosvy.gov.kh/wp-content/uploads/2023/10/photo_2023-10-04_12-58-15-2.jpg)