ទីស្តីការក្រសួង ៖ ថ្ងៃទី២៦ ខែមីនា ឆ្នាំ២០២៤ ឯកឧត្តម ទៀវ សុគន្ធ រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានគណៈកម្មការពិនិត្យតាមដានការអនុវត្តអនុសាសន៍របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីដឹកនាំកិច្ចប្រជុំដើម្បីពិនិត្យ និងផ្តល់យោបល់ ទៅលើផែនការសកម្មភាពអនុវត្តអនុសាសន៍ទាំង១៥ក្នុងឱកាសដែលសម្តេចមហាបវរធិបតី ថ្លែងក្នុងឱកាសសន្និបាតបូកសរុបលទ្ធផលការងារឆ្នាំ២០២៣-២០២៤។
កិច្ចប្រជុំបានប្រព្រឹត្តិទៅតាមរបៀវារៈដែលបានគ្រោងទុកដូចខាងក្រោម៖
១. ការប្រកាសសមាសភាពគណៈកម្មការពិនិត្យតាមដានអនុវត្តអនុសាសន៍សម្តេចមហាបវរធិបតី
២. ពិនិត្យ និងផ្តល់យោបល់លើសេចក្តីព្រាងផែនការអនុវត្តអនុសាសន៍។
កិច្ចប្រជុំទទួលបានលទ្ធផលមួយចំនួនដូចខាងក្រោម ៖
១. កិច្ចប្រជុំបានឯកភាពស្ទើរតែទាំងស្រុងទៅលើសេចក្តីព្រាងផែនការនៅសេសសល់តែចំណុចបន្តិចបន្តួចដែលស្នើសុំកែសម្រួល។
២. កិច្ចប្រជុំបានកំណត់យកពេលវេលាសម្រាប់ការរៀបចំកិច្ចប្រជុំជាប្រចាំក្នុងរយៈពេលមួយខែម្តង ដើម្បីតាមដានពីវឌ្ឍនភាពនៃការអនុវត្តអនុសាសន៍របស់សម្តេចមហាបវរធិបតី។
៣. នាយកដ្ឋានផែនការស្ថិតិ និងសរុប ត្រូវរៀបចំតារាងលទ្ធផលសម្រាប់ធ្វើការតាមដានលទ្ធផលការងារជាប្រចាំរបស់អង្គភាពដែលពាក់ព័ន្ធទាំងអស់។
៤.កិច្ចប្រជុំបានឯកភាពផ្សព្វផ្សាយផែនការអនុវត្តអនុសាសន៍ទៅដល់គ្រប់ថ្នាក់ដឹកនាំ និងអ្នកពាក់ព័ន្ធដើម្បីចូលរួម និងអនុវត្តឱ្យបានពេញលេញ។
