ទីស្ដីការក្រសួង ៖ នៅរសៀលថ្ងៃសុក្រ ១៣កើត ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២២ ខែមីនា ឆ្នាំ២០២៤ នាយកដ្ឋានគាំពារជនរងគ្រោះ នៃអគ្គនាយកដ្ឋានសេវាសង្គមកិច្ច ក្រសួងសង្គមកិច្ច អតីតយុទ្ធជន និងយុវនីតិសម្បទា បានរៀបចំកិច្ចប្រជុំពិនិត្យវឌ្ឍនភាព បញ្ហាប្រឈមត្រីមាសទី១ និងលើកទិសដៅការងារអនុវត្តបន្តត្រីមាសទី២ ដោយមានការចូលរួមពីឯកឧត្តមញ៉ឹក វណ្ណារ៉ា រដ្ឋលេខាធិការទទួលបន្ទុក វិស័យការងារប្រយុទ្ធប្រឆាំងការជួញ ដូរមនុស្ស និង ជនអនាថា ឯកឧត្តមអគ្គនាយក និងអគ្គនាយករង ព្រមទាំងមានការចូលរួមពីប្រធាននាយកដ្ឋាន អនុប្រធានដ្ឋាន ប្រធានការិយាល័យ អនុប្រធានការិយាល័យ និងប្រធានមជ្ឈមណ្ឌល និងទីប្រឹក្សាបច្ចេកទេសគម្រោង ចៃកា (JICA ) ។
