រាជធានីភ្នំពេញ ៖ នៅព្រឹកថ្ងៃសុក្រ ៧រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី៣០ ខែ មេសា ឆ្នាំ២០២៤ ដោយបានការអនុញ្ញាតដ៏ខ្ពង់ខ្ពស់ពីឯកឧត្តមរដ្ឋមន្ត្រី, ឯកឧត្តម ឌីន បូរី អគ្គនាយកសេវាសង្គមកិច្ច នៃក្រសួង ស.អ.យ. បានចូលរួមជាអធិបតីជាមួយ ឯកឧត្តម សួស ប្រាថ្នា អគ្គនាយករដ្ឋបាល នៃក្រសួងមហាផ្ទៃ និងមានចំណាប់អារម្មណ៍ក្នុងកិច្ចប្រជុំពិភាក្សា ដើម្បីពិនិត្យលើសេចក្តីព្រាងផែនទីបង្ហាញផ្លូវសម្រាប់អនុវត្តសៀវភៅណែនាំស្តីពីនីតិវិធីប្រតិបត្តិកិច្ចការពារកុមារសម្រាប់រដ្ឋបាលក្រុង ស្រុក ខណ្ឌ។

កិច្ចប្រជុំនេះរៀបចំដោយអគ្គនាយកដ្ឋានរដ្ឋបាលនៃក្រសួងមហាផ្ទៃ ក្រោមការគាំទ្រពីអង្គការយូនីសេហ្វ មានសមាសភាពចូលរួមពីតំណាងក្រសួង ស្ថាប័ន និងអង្គការពាក់ព័ន្ធ សរុបចំនួន៥០នាក់។ កិច្ចប្រជុំបានដំណើរការដូចខាងក្រោម៖
១. ចំណាប់អារម្មណ៍របស់លោកស្រី Mariana ប្រធានផ្នែកកិច្ចការពារកុមារនៃអង្គការយូនីសេហ្វ
២. ចំណាប់អារម្មណ៍របស់អគ្គនាយកសេវាសង្គមកិច្ច
៣. ចំណាប់អារម្មណ៍បើកកិច្ចប្រជុំដោយឯកឧត្តម សួស ប្រាថ្នា អគ្គនាយករដ្ឋបាល នៃក្រសួងមហាផ្ទៃ
៤. បទបង្ហាញសេចក្តីព្រាងផែនទីបង្ហាញផ្លូវសម្រាប់អនុវត្តសៀវភៅណែនាំស្តីពីនីតិវិធីប្រតិបត្តិកិច្ចការពារកុមារសម្រាប់រដ្ឋបាលក្រុង ស្រុក ខណ្ឌ
៥. កិច្ចពិភាក្សាលើសេចក្តីព្រាងផែនទីបង្ហាញផ្លូវ។